ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

ᓴᒃᑯᒃ ᓄᓇᒥᒃ ᑎᒍᒥᐊᕐᑎᖓ ᑰᑦᔪᐊᕌᐱᐅᑉ

Sakkuq LHC of Kuujjuaraapikᑯᑦᔪᐊᕌᐱᒃ, ᐃᓄᑐᐃᓐᓇᓄᑦ ᐊᓪᓚᓄᓪᓗ ᑯᔩᓄ ᓄᓇᓕᒋᔭᐅᖅ ᑯᐯᑉ ᑕᕐᕋᖓᓂ. ᑖᓐᓇ ᓄᓇᓕᒃ ᕿᓚᓗᒐᓕᐅᑉ ᑰᖓᑕ ᓯᓈᓂᑦᑐᖅ, 2 ᑭᓛᒥᑕᓄᑦ ᓄᓇᒦᑦᓱᓂ ᑕᓯᐅᔭᕐᔪᐊᒥᑦ ᓄᓇᖕᖑᐊᒥ ᓇᓗᓀᒃᑯᑕᐅᑉ ᐆᒪ ᒥᑦᓵᓂᑦᑐᖅ 55° 16′ 30″ N, 77° 45′ 30″ W. 2006-ᖑᑎᓪᓗᒍ, ᑯᑦᔪᐊᕌᐱᐅᑉ ᐃᓄᒋᐊᓂᖓ 1,388-ᒦᑐᕕᓂᖅ (576 ᐃᓄᑐᐃᓐᓀᑦ, 812 ᐊᓪᓓᑦ). ᓴᒃᑯᒃ ᓄᓇᒥᒃ ᑎᒍᒥᐊᕐᑎᖓ ᑯᑦᔪᐊᕌᐱᐅᑉ ᓇᒻᒥᓂᖃᕐᑐᖅ 285.25 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 1 ᓄᓇᖁᑎᖏᓐᓂᒃ, ᐱᔪᓐᓇᐅᑎᖃᕐᕕᖃᕐᓱᓂᓗ, ᐃᓱᒫᓗᒐᖃᕐᓱᓂ ᑲᒪᒋᔭᖃᕐᓱᓂᓗ 4,565 ᐅᖓᑖᓄᑦ ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 2 ᓄᓇᖁᑎᖏᓐᓂᒃ.

ᐊᑐᐊᕐᓯᒋᐊᓛᕆᑦ

ᑯᑦᔪᐊᕌᐱᒃ ᕿᓚᓗᒐᓕᐅᑉ ᑯᖓᑕ ᐹᖓᓃᑦᓱᓂ ᓯᐅᕋᔮᒥᑦᑐᖅ. ᓄᓇᓕᐅᑉ ᓯᓚᑖ, ᒪᓂᕋᖅ; ᓄᓇᖓ ᑎᖓᐅᔭᐅᑦᓱᓂ ᐅᔭᕋᓚᓕᒃ ᐅᖓᓯᑦᑐᐊᓗᒻᒧᑦ ᑕᑯᑦᓴᐅᔪᖅ. ᓯᐅᕋᔮᑦ ᖃᑦᓯᑐᐃᑦ ᖄᖓᓂᑦ, ᑕᓯᐅᔭᕐᔪᐊᖅ ᑕᑯᑦᓴᓯᐊᕌᓗᒃ ᒪᓂᑦᑐᓅᓪᓗ ᕿᑭᕐᑕᖏᑦ ᑕᕐᕋᒥᑦᓱᑎᒃ ᓄᓇᐅᑉ ᓯᓇᖓᑕ ᓴᓂᐊᓂ.

ᑯᑦᔪᐊᕌᐱᒃ ᓄᓇᕕᒻᒥ ᓯᕿᓂᕐᓯᐹᖅ ᓄᓇᓕᓕᒫᓂᑦ. ᐊᑦᔨᐅᖏᑦᑑᒍᑎᖃᕐᑐᖅ ᐃᓗᖁᓯᖃᑎᒌᖕᖏᑐᓄᑦ ᓄᓇᒋᔭᐅᑦᓱᓂ ᐃᓄᑐᐃᓐᓇᓄᑦ ᐊᓪᓚᓄᓪᓗ. ᐊᓪᓓᑦ ᓂᓇᓕᖓ ᒍᐊᑉᒪᑯᔅᑐᐃᖑᓂᕋᕐᑕᖅ (ᕿᓚᓗᒐᓕᐅᓂᕋᕐᑕᖅ ᐊᓪᓚᑎᑐᑦ). ᐃᓕᑕᕆᔭᐅᒍᑎᓪᓚᕆᖃᕐᒥᔪᖅ ᐳᔅ-ᑎ-ᓚ-ᐸᓖᒥᒃ, ᑲᓇᑕᓕᒫᒥ ᐱᖓᓱᓂᒃ ᐃᓕᑕᕆᔭᐅᔪᓂᒃ ᑌᔭᐅᒍᓯᖃᕐᓱᓂ. ᑖᓐᓇ ᓄᓇᓕᒃ ᓄᐃᕙᓪᓕᐊᓯᔪᕕᓂᖅ 1930-ᓂ. ᐅᓇᑕᕐᓂᔪᐊᖃᕐᑎᓗᒍ ᑐᖓᓕᐊᓂᒃ, ᐊᒥᐊᔨᑫᑦ ᐅᓇᑕᕐᑎᖏᑦ ᑕᒻᒫᕕᓕᕕᓃᑦ ᒥᕝᕕᓕᐅᕐᓱᑎᒃ, ᑐᓂᓂᐊᓕᕐᒥᓱᒍ ᑲᓇᑕᐅᑉ ᑲᕙᒪᖓᓄᑦ 1948-ᒥ. ᑖᓐᓇ ᐅᓇᑕᕐᑎᑯᕕᒃ ᐊᐅᓚᑦᓯᕕᐅᓐᓂᒥᔪᖅ ᑲᓇᑕᒥ ᓇᐅᑦᓯᑐᕐᕕᐅᓱᓂ, ᐅᓇᑕᕐᑏᑦ ᓇᐅᑦᓯᑐᕐᕕᖏᑦ ᓴᓇᔭᐅᔪᕕᓃᑦ 1955-ᒥ ᐊᑦᓛᓐᑎᒃ ᐃᒪᕐᐱᖓᓂᑦ ᐱᒋᐊᕐᓱᑎᒃ ᑕᓯᐅᔭᕐᔪᐊᒧᑦ ᑎᑭᑦᓱᑎᒃ 55 ᐃᑳᖓᔪᖅ ᑐᑭᓕᐊᕐᓱᒍ. ᑯᑦᔪᐊᕌᐱᒻᒥᐅᑦ ᐃᑭᓪᓕᐅᒥᒋᐊᓪᓚᕆᓚᐅᔪᑦ 1985-ᖑᑎᓪᓗᒍ, ᐊᒥᓱᑦ ᐃᓚᒌᑦ, ᓯᒥᑦᑐᑕᐅᓂᐊᖕᖑᓯᓂᑯᒥᓄᑦ ᕿᓚᓗᒐᓕᐅᑉ ᑰᖓᓂᒃ, ᓄᑦᑎᑎᓚᐅᕐᓯᒪᒻᒪᑕ ᐅᒥᐅᔭᒧᑦ 160 ᑭᓛᒥᑕᓄᑦ ᑕᕐᕋᖓᓈᑦᑐᒧᑦ ᑯᑦᔪᐊᕌᐱᐅᑉ.

 

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

ᑲᑎᒪᔩᑦ
Alec Tuckatuck
Anthony Ittoshat
Cora Fleming
Lizzie Calvin
Salamiva Weetaluktuk (President)
Mary Hannah Angatookalook (Vice-President)
Parsa Kitsinimik (Secretary)
(Treasurer)
ᑲᒪᔨᒻᒪᕆ
NameLeena Nowra
Emaillnowra@sakkuq.ca
ᖃᐅᔨᓂᐊᕐᕕᓭᑦ
LHC PO BOX270
Postal CodeJ0M 1G0
Phone819-929-3348
Fax819-929-3275
ᑎᒥᖁᑎᖏᑦ
SubsidiaryQilaulugaq Resto pub
Descriptionbar lounge
AddressPO BOX 129, 1042 Tukimuaqtuk St, Kuujjuaraapik, QC, J0M 1G0
PhoneTel.: 819 929 3374, Fax: 819 929 3062
ContactClaude Despars
Emailqilalugaq_restopub@hotmail.com

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ