ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

ᕿᓂᕐᑎᒃ ᓄᓇᒥᒃ ᑎᒍᒥᐊᕐᑎᖓ ᑲᖏᕐᓱᐊᓗᑦᔪᐊᑉ

Qiniqtiq LHC of Kangiqsualujjuaqᑲᖏᕐᓱᐊᓗᑦᔪᐊᖅ ᐃᓄᑐᐃᓐᓇᓄᑦ ᓄᓇᓕᒋᔭᐅᔪᖅ ᑯᐯᑉ ᑕᕐᕋᖓᓂ. ᑖᓐᓇ ᓄᓇᓕᒃ ᑲᖏᕐᓱᐊᓗᑦᔪᐊᑉ ᑰᖓᑕ ᓯᓈᓃᑦᑐᖅ 25 ᑭᓚᒥᑕᓄᑦ ᐅᖓᕙᒥᒃ ᖃᓂᑕᖃᕐᓱᓂ, ᓄᓇᖕᖑᐊᒥ ᓇᓗᓀᒃᑯᑕᐅᑉ ᐆᒪ ᒥᑦᓵᓂᑦᑐᖅ 58° 41′ 30″ N, 65° 57′ 0″ W. 2006-ᖑᑎᓪᓗᒍ, ᑲᖏᕐᓱᐊᓗᑦᔪᐊᑉ ᐃᓄᒋᐊᓂᖓ 733-ᒦᑐᕕᓂᖅ. ᕿᓂᕐᑎᒃ ᓄᓇᒥᒃ ᑎᒍᒥᐊᕐᑎᖓ ᑲᖏᕐᓱᐊᓗᑦᔪᐊᑉ ᓇᒻᒥᓂᖃᕐᑐᖅ 539.6 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 1 ᓄᓇᖁᑎᖏᓐᓂᒃ, ᐱᔪᓐᓇᐅᑎᖃᕐᕕᖃᕐᓱᓂᓗ, ᐃᓱᒫᓗᒐᖃᕐᓱᓂ ᑲᒪᒋᔭᖃᕐᓱᓂᓗ 5,490.1 ᐅᖓᑖᓄᑦ ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 2 ᓄᓇᖁᑎᖏᓐᓂᒃ.

ᐊᑐᐊᕐᓯᒋᐊᓛᕆᑦ

ᑲᖏᕐᓱᐊᓗᑦᔪᐊᖅ ᓄᓇᕕᒻᒥ ᓛᐸᑐᐊᑉ ᒥᑦᓵᓃᓐᓂᐹᖅ, 160 ᑭᓚᒥᑕᓄᑦ ᐅᖓᓯᑦᑑᓱᓂ ᑯᑦᔪᐊᒥᑦ. 25 ᑭᓚᒥᑕᓄᑦ ᖃᓂᑦᑐᖅ ᐅᖓᕙᒧᑦ ᑲᖏᕐᓱᐊᓗᑦᔪᐊᑉ ᑰᖓᓂ, ᐊᑭᓕᓴᑲᓪᓚᒦᑦᓱᓂ. ᐅᓕᓐᓂᖓ ᓄᓇᓕᒻᒧᑦ ᑎᑭᐅᑎᒍᓐᓇᓱᓂ ᑎᓂᑐᐊᕋᒥ ᑲᖏᕐᓱᓕᒫᖓ ᐃᒣᕈᓲᖅ. ᑲᖏᕐᓱᐊᓗᑦᔪᐊᒥᐅᑦ ᐅᐱᕐᖓᑯᑦ ᐅᓕᓪᓂᒧᑦ ᐊᐅᓚᑕᐅᓪᓚᕆᑦᑐᑦ. ᑖᓐᓇᓗ ᓄᓇᓕᖓ ᖃᕐᖃᑲᓪᓛᓗᒻᒧᑦ ᑖᓪᓕᑕᐅᒪᔪᖅ. ᑕᕐᕋᒦᑦᑐᐹᓘᒐᓗᐊᕐᓱᓂ ᑖᓐᓇ ᓄᓇᓕᒃ ᐱᕈᕐᑐᓯᐊᕿᑦᑐᐸᐅᔮᓗᒃ.

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

ᑲᑎᒪᔩᑦ
Darrel Emak
Jari Leduc
Kenny Angnatuk
Norman Snowball
Maggie Emudluk (President)
Roddy Stewart (Vice-President)
Jessie Baron (Secretary)
Jessie Baron (Treasurer)
ᑲᒪᔨᒻᒪᕆ
NamePasha Annahatak
Emailpasha.annanack@hotmail.com
ᖃᐅᔨᓂᐊᕐᕕᓭᑦ
LHC PO BOX160
Postal CodeJ0M 1N0
Phone819-337-5449
Fax819-337-5752
ᑎᒥᖁᑎᖏᑦ

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

Archives

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ