ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

Nuvummi LHC Ivujivik

Nuvummi LHC of Ivujvikᐃᕗᔨᕕᒃ ᐃᓄᑦᑎᑐᑦ ᑐᑭᓕᒃ “ᓯᑯᓄᑦ ᐃᕗᕝᕕᐅᓲᖑᒐᒥ ᐃᖏᕐᕋᓂᐅᓂᑯᒥᓄᑦ”, ᐃᓄᑐᐃᓐᓇᓄᑦ ᓄᓇᓕᒋᔭᐅᔪᖅ ᑯᐯᑉ ᑕᕐᕋᖓᓂ. ᑖᓐᓇ ᓄᓇᓕᒃ ᐃᑭᕋᓴᐅᑉ ᓯᓈᓃᑦᑐᖅ ᓄᓇᖕᖑᐊᒥ ᓇᓗᓀᒃᑯᑕᒦᑦᓱᓂ 62°25'0" N, 77°54'30" W. 2006-ᖑᑎᓪᓗᒍ, ᐃᕗᔨᕕᒃ 349-ᓂᒃ ᐃᓄᖃᓕᕐᑐᕕᓂᖅ. ᓄᕗᒻᒥ ᓄᓇᒥᒃ ᑎᒍᒥᐊᕐᑎᑯᖏᑦᑕ ᑎᒥᖁᑎᖓ ᐃᕗᔨᕕᐅᑉ ᓇᒻᒥᓂᕐᑖᓚᖓᔪᖅ ᓄᓇᓂᒃ ᐊᖏᓂᓕᓐᓂᒃ 524.9 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ. ᐱᒍᓐᓇᐅᑎᖃᓚᖓᑦᓱᓂᓗ, ᑲᒪᒋᔭᖃᕐᓗᓂ ᐃᑉᐱᒋᔭᖃᕐᓗᓂᓗ ᓄᓇᓂᒃ ᑳᑕᑰᔨ 2-ᒦᑦᑐᓂᒃ 4,576.3 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᐊᖏᓂᓕᓐᓂᒃ.

ᐊᑐᐊᕐᓯᒋᐊᓛᕆᑦ

2000 ᑭᓛᒥᑕᑲᓵᓄᑦ ᐅᖓᓯᑦᑐᖅ ᒪᓐᑐᕆᐊᒥᑦ ᑕᕐᕋᒦᑦᓱᓂ, ᐃᕗᔨᕕᒃ ᑯᐯᓕᒫᒥ ᑕᕐᕋᓯᕐᓂᐸᐅᔪᖅ ᓄᓇᓕᐅᔪᓕᒫᓂ. ᑲᖏᕐᓱᐊᐱᒻᒦᑐᖅ, ᓯᐅᕋᔮᒥ, ᐊᕙᓗᔭᐅᒪᑦᓱᓂ ᐃᓐᓈᕈᕙᕐᔪᐊᓄᑦ ᐃᒪᕐᐱᐊᓗᖓᓃᑦᑐᓄᑦ ᓵᕐᖃᔮᑉ. ᑕᒫᓂᑕᒐ ᑕᓯᐅᔭᕐᔪᐊᑉ ᐃᑭᕋᓴᐅᓪᓗ ᐃᖏᕐᕋᓂᐊᓗᒋᒃ ᐹᕈᑎᕘᒃ. ᐃᖏᕐᕋᓂᕐᑐᕖᖕᖓᓕᑐᐊᕐᒪᑦ, ᐃᓚᖏᑦ ᐆᒪᔪᐃᑦ ᐱᒋᐊᓪᓚᕖᕈᑎᓲᖑᒋᐊᖏᑦ ᖃᐅᔨᒪᔭᐅᔪᑦ ᖃᕐᑕᐅᓲᖓᓪᓛᑦ ᓯᑯᐊᓘᑉ ᓂᒪᓐᓂᐊᓗᐊᓄᑦ. ᐅᖓᕙᐅᑉ ᐃᑉᐱᐊᓗᐊᓂ ᐃᕕᔨᕕᐅᑉ ᐃᓐᓈᕈᐊᓗᖏᑦᑕ ᖄᖓᓂ, ᐱᕈᕐᑐᑐᐊᒐᓛᐲᑦ ᖃᐅᑦᔭᐅᑏᑦ ᐅᔭᕋᓚᓐᓂ ᓂᐱᖕᖓᒐᕋᓱᐊᕐᑐᑦ.

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

ᑲᑎᒪᔩᑦ
Ali Qavavauk
Mattiusi Iyaituk
Philip Audaluk
Salimuni Qavavauk
Adamie Kalingo (President)
Aadamie Ainalik (Vice-President)
Saima Kanarjuaq (Secretary)
Charlie Mangiuk (Treasurer)
ᑲᒪᔨᒻᒪᕆ
NameAalacie
Emailnuvummilhc@outlook.com
ᖃᐅᔨᓂᐊᕐᕕᓭᑦ
LHC PO BOX157
Postal CodeJ0M 1H0
Phone819-922-9944
Fax819-922-3045
ᑎᒥᖁᑎᖏᑦ

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

Archives

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ