ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

ᑭᒡᒐᓗᒃ ᓄᓇᒥᒃ ᑎᒍᒥᐊᕐᑎ ᓯᓵᓯᐱᒥ

Kigaluk LHC of Chisasibiᓯᓵᓯᐱ ᑐᑭᓕᒃ “ᑰᒻᒪᕆᒃ” ᐊᓪᓚᑎᑐᑦ, ᓄᓇᓕᒋᔭᐅᕗᖅ ᐊᓪᓚᓄᑦ ᑯᔩᓄᑦ ᑯᐯᑉ ᑕᕐᕋᖓᓂ ᐃᑭᑦᑑᒐᓗᐊᓂᒃ ᐃᓄᑐᐃᓐᓇᑕᖃᕐᒥᓱᓂ. ᑖᓐᓇ ᓄᓇᓕᒃ ᓚᑯᔮᓐ ᑰᖓᑕ ᓯᓈᓂᑦᑐᖅ, 15 ᑭᓛᒥᑕᓄᑦ ᓄᓇᒦᑦᓱᓂ ᔦᒻᔅ ᐯᒥᑦ ᓄᓇᖕᖑᐊᒥ ᓇᓗᓀᒃᑯᑕᐅᑉ ᐆᒪ ᒥᑦᓵᓂᑦᑐᖅ 53° 47′ 0″ N, 78° 53′ 45″ W. 2006-ᖑᑎᓪᓗᒍ, ᓯᓵᓯᐱᐅᑉ ᐃᓄᒋᐊᓂᖓ 3,972-ᒦᑐᕕᓂᖅ. ᑭᒡᒐᓗᒃ ᓄᓇᒥᒃ ᑎᒍᒥᐊᕐᑎᖓ ᓯᓵᓯᐱᐅᑉ ᓇᒻᒥᓂᖃᕐᑐᖅ 45.1 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 1 ᓄᓇᖁᑎᖏᓐᓂᒃ.

ᐊᑐᐊᕐᓯᒋᐊᓛᕆᑦ

ᓯᓵᓯᐱ ᓄᓇᕕᒻᒧᑦ ᐃᓚᒋᔭᐅᖕᖏᑐᖅ. ᑭᓯᐊᓂ 100 ᒥᑦᓵᓂᑦᑐᑦ ᐃᓄᑐᐃᓐᓀᑦ ᓯᓵᓯᐱᒥᐅᑦ. ᑭᒡᒐᓗᒃ ᒥᑭᔪᐊᐱᐅᒐᓗᐊᒥᒃ ᑳᑕᑰᔨ 1-ᒦᑦᑐᓂᒃ ᓄᓇᖁᑎᖃᕋᓗᐊᕐᓱᓂ, ᑖᒃᑯᐊ ᓯᓵᓯᐱᐅᑉ ᓄᓇᓕᖓᓃᖕᖏᑐᑦ. ᑭᒡᒐᓗᒃ ᓄᓇᒥᒃ ᑎᒍᒥᐊᕐᑎ ᐱᓇᓱᐊᒐᖃᕐᑐᖅ ᐊᐅᓚᑦᓯᔨᐅᓂᕐᒥᒃ ᑮᓇᐅᔭᓂᒃ ᐃᓄᓐᓅᓕᖓᔪᓂᒃ ᒪᙯᑦᑏᑦ ᓴᐳᑦᔨᔭᐅᓯᒪᒍᑎᖓᑎᒎᑦ ᐊᒡᒍᑕᐅᓲᓂᒃ.

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

 

ᑲᑎᒪᔩᑦ
Georgia Fleming
Ruby Menarick
Raymond Menarick (President)
Richard Tookalook (Vice-President)
Lillian Menarick (Secretary)
Lillian Menaraick (Treasurer)
ᑲᒪᔨᒻᒪᕆ
Namevacant
EmailKigaluk@gmail.com
ᖃᐅᔨᓂᐊᕐᕕᓭᑦ
LHC PO BOX760
Postal CodeJ0M 1E0
Phone819-855-1881
Fax819-855-1891
ᑎᒥᖁᑎᖏᑦ

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ