ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

ᐃᑉᐱᒋᑦᑐᖅ ᓄᓇᒥᒃ ᑎᒍᒥᐊᕐᑎᖓ ᑭᓪᓕᓂᐅᑉ

Epigituk LHC of Killiniqᑭᓪᓕᓂᖅ ᑐᑭᓕᒃ “ᓯᑯᓄᑦ ᐳᑦᑕᕿᕕᐅᓂᕐᒥᒃ” ᐃᓄᑐᐃᓐᓇᓄᑦ ᓄᓇᓕᒋᔭᐅᓯᒪᔪᖅ ᑯᐯᑉ ᑕᕐᕋᖓᓂ, ᐃᓄᖏᑦ ᓅᑕᐅᓚᐅᕐᑎᓇᒋᑦ 1975-ᒥ ᐊᓯᖏᓐᓅᑦ ᓄᓇᓕᓐᓅᔭᕐᑕᐅᓱᑎᒃ ᓄᓇᕕᒻᒥ. ᑖᓐᓇ ᓄᓇᓕᐅᓯᒪᔪᖅ ᐅᖓᕙᒦᑦᓱᓂ, ᓄᓇᖕᖑᐊᒥ ᓇᓗᓀᒃᑯᑕᐅᑉ ᐆᒪ ᒥᑦᓵᓂᑦᑐᖅ 60° 25′ 0″ N, 64° 50′ 0″ W. ᐃᑉᐱᒋᑦᑐᖅ ᓄᓇᒥᒃ ᑎᒍᒥᐊᕐᑎᖓ ᑭᓪᓕᓂᐅᑉ ᓇᒻᒥᓂᖃᕐᑐᖅ 290.5 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 1 ᓄᓇᖁᑎᖏᓐᓂᒃ, ᐱᔪᓐᓇᐅᑎᖃᕐᕕᖃᕐᓱᓂᓗ, ᐃᓱᒫᓗᒐᖃᕐᓱᓂ ᑲᒪᒋᔭᖃᕐᓱᓂᓗ 3,903.7 ᐅᖓᑖᓄᑦ ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 2 ᓄᓇᖁᑎᖏᓐᓂᒃ.

ᐊᑐᐊᕐᓯᒋᐊᓛᕆᑦ

ᑭᓪᓕᓂᖅ ᓄᓇᓕᐅᓯᒪᔪᖅ ᓄᓇᕘᑉ ᕿᑭᕐᑕᖓᓃᑦᓱᓂ ᖃᓂᑦᑐᐊᐱᐅᑦᓱᓂ ᓄᓇᕕᒻᒧᑦ. ᓄᓇᕕᐅᑉ ᓄᓇᓕᖏᓐᓄᑦ ᐱᑐᑦᓯᒪᓪᓚᕆᒻᒪᑕ ᐃᓄᒋᓯᒪᔭᖏᑦ, ᐃᓚᐅᑎᑕᐅᓚᕿᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ ᑳᑕᑰᔨ 1-ᓂᒃ 2-ᓂᓪᓗ ᓄᓇᖃᕐᑎᑕᐅᓚᕿᑦᓱᑎᒃ.

ᑭᓪᓕᓂᖅ ᐅᒃᑯᐊᑕᐅᓚᐅᕐᓯᒪᔪᖅ 1979-ᒥ, ᐃᓄᖏᓪᓗ ᓄᑦᑎᑕᐅᑦᓱᑎᒃ ᐊᑦᔨᒌᖕᖏᑐᓄᑦ ᓄᓇᓕᓐᓄᑦ ᓄᓇᕕᒻᒥ, ᖁᐊᕐᑕᒧᓗᐊᖕᖑᐊᖅ ᑲᖏᕐᓱᐊᓗᑦᔪᐊᒧᓪᓗ. ᐅᓪᓗᒥᓕ, ᑭᓪᓕᓂᕐᒥᐅᕕᓂᑐᙯᑦ ᑲᖏᕐᓱᐊᓗᑦᔪᐊᒥᐅᕙᓪᓘᓕᕐᑐᑦ. ᐃᑉᐱᒋᑦᑑᑉ ᓄᓇᒥᒃ ᑎᒍᒥᐊᕐᑎᖓᑕ ᑲᑎᒪᔨᖏᑦ ᐊᐅᓚᑦᓯᔨᐅᔪᑦ ᑳᑕᑰᔨ 1 2-ᓗ ᓄᓇᖁᑎᖏᓐᓂᒃ ᑖᑦᓱᒪ ᓄᓇᓕᒋᓯᒪᔭᒥ.

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

ᑲᑎᒪᔩᑦ
Lucy Tooma
Paulossie Tooma
Tommy Unatweenuk (President)
Tommy Assevak (Vice-President)
Sammy Unatweenuk (Secretary)
Sammy Unatweenuk (Treasurer)
ᑲᒪᔨᒻᒪᕆ
NameSammy Angnatwenuk
Email
ᖃᐅᔨᓂᐊᕐᕕᓭᑦ
LHC PO BOX197
Postal CodeJ0M 1N0
Phone819-337-5773
Fax819-337-5325
ᑎᒥᖁᑎᖏᑦ

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ