ᓄᓇᕕᐅᑉ ᓄᓇᒥᒃ ᑎᒍᒥᐊᕐᑎᖏᑦ

ᐊᓐᓂᑐᕐᕕᒃ ᓄᓇᒥᒃ ᑎᒍᒥᐊᕐᑎᖓ ᐅᒥᐅᔭᐅᑉ

Anniturvik LHC of UmiujaqUᐅᒥᐅᔭᖅ ᐃᓄᑐᐃᓐᓇᓄᑦ ᓄᓇᓕᒋᔭᐅᔪᖅ ᑯᐯᑉ ᑕᕐᕋᖓᓂ. ᑖᓐᓇ ᓄᓇᓕᒃ ᑕᓯᐅᔭᕐᔪᐊᑉ ᓯᓈᓂᑦᑐᖅ, ᓄᓇᖕᖑᐊᒥ ᓇᓗᓀᒃᑯᑕᐅᑉ ᐆᒪ ᒥᑦᓵᓂᑦᑐᖅ 56° 33′ 7″ N, 76° 32′ 57″ W. 2006-ᖑᑎᓪᓗᒍ, ᐅᒥᐅᔭᐅᑉ ᐃᓄᒋᐊᓂᖓ 412-ᒦᑐᕕᓂᖅ. ᐊᓐᓂᑐᕐᕕᒃ ᓄᓇᒥᒃ ᑎᒍᒥᐊᕐᑎᖓ ᐅᒥᐅᔭᐅᑉ ᓇᒻᒥᓂᖃᕐᑐᖅ 285.25 ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 1 ᓄᓇᖁᑎᖏᓐᓂᒃ, ᐱᔪᓐᓇᐅᑎᖃᕐᕕᖃᕐᓱᓂᓗ, ᐃᓱᒫᓗᒐᖃᕐᓱᓂ ᑲᒪᒋᔭᖃᕐᓱᓂᓗ 3,034 ᐅᖓᑖᓄᑦ ᑭᓛᒥᑕᓂᒃ ᒪᕐᕈᕕᓪᓗᐊᓱᒍ ᑳᑕᑰᔨ 2 ᓄᓇᖁᑎᖏᓐᓂᒃ.

ᐊᑐᐊᕐᓯᒋᐊᓛᕆᑦ

ᐅᒥᐅᔭᖅ ᖃᕐᖃᐅᑉ ᐅᒥᐊᖑᔮᕐᑑᑉ (ᐃᓄᐃᑦ ᐅᒥᐊᕆᕙᑦᑕᕕᓂᖓᐅᔮᕐᑑᑉ) ᓴᓂᐊᓃᑦᑐᖅ. ᓄᓇᓕᖓᑕ ᓯᓚᑖᓂ ᓄᓇ ᐱᐅᔪᐸᐅᔮᓗᒃ ᐊᑦᔨᒌᖕᖏᑑᑦᓱᓂᓗ. ᕿᒥᕐᕈᕆᐊᖓ ᐊᓕᐊᓇᕐᑐᖅ ᐱᓱᕝᕕᒋᑦᓱᒍ, ᖃᕐᖃᖏᑦ ᓴᓗᐊᖓᔪᑦᓯᐊᖑᑦᓱᑎᒃ ᐃᑭᑦᑐᐊᐱᓐᓂᒃ ᑕᓯᖃᕋᒥᒃ.

ᑕᓯᐅᔭᖅ, 15 ᑭᓛᒥᑕᓄᑦ ᐅᖓᓯᓐᓂᓕᒃ ᐅᒥᐅᔭᒥᑦ, ᐊᖏᔪᒻᒪᕆᐊᓗᒃ ᓄᓇᑐᐃᓐᓇᒦᑦᓱᓂ ᑲᖏᕐᓱᖅ. ᑕᓯᐅᔭᕐᔪᐊᒧᑦ ᐱᑐᑦᓯᒪᔪᑦ ᐃᓐᓇᓕᓐᓄᑦ, ᑑᕐᓱᔫᖑᑦᓱᓂ.

ᑯᑦᔪᐊᕌᐱᐅᑉ ᑕᕐᕋᖓᓃᑦᑐᖅ 160 ᑭᓛᒥᑕᓂᒃ ᐅᖓᓯᓐᓂᖃᕐᓱᓂ ᑕᒡᒐᖓᑦ, ᐅᒥᐅᔭᖅ ᓴᕐᕿᐅᓯᒪᔪᖅ 1986-ᒥ. ᔦᒻᔅ ᐯ ᓯᒥᑦᑐᑕᕕᓂᐅᑎᓪᓗᒍ, ᕿᓚᓗᒐᓕᐅᓪᓗ ᑰᖓ ᓯᒥᑦᑐᑕᐅᓂᐊᖕᖑᓕᕐᑎᓗᒍ, ᐃᓄᐃᑦ ᐊᖏᖃᑎᒌᒐᑐᐊᕈᑎᖃᕐᓯᒪᔪᑦ 1975-ᒥ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ, ᑯᑦᔪᐊᕌᐱᒻᒥᐅᑦ ᐃᓄᖏᑦ ᓄᑦᑎᕈᓐᓇᑎᑕᐅᖁᑦᓱᒋᑦ ᐅᒥᐅᔭᕐᒧᑦ. 1982-ᖑᑎᓪᓗᒍ, ᓂᕈᐊᕐᑎᑕᐅᓂᒃᑯᑦ, ᐃᓄᐃᑦ ᓄᐃᑦᓯᒍᒪᓯᒪᔪᑦ ᓄᑖᒥᒃ ᓄᓇᓕᒻᒥᒃ ᐱᕐᖁᓯᑐᖃᕐᒥᓂᒃ ᐱᓇᓱᐊᕐᕕᒋᒍᒪᑦᓱᒍ ᓄᓇᒥ ᒪᙯᕝᕕᐅᓯᐊᕈᓐᓇᑐᒥ ᐱᓇᓱᐊᕈᒪᔪᓄᑦ ᓱᕐᕋᑕᐅᓂᐊᖕᖒᖏᑦᑐᒥ.

ᑎᓕᔭᐅᒪᐅᑎᖓᑦ

ᓄᓇᒥᒃ ᑎᒍᒥᐊᕐᑏᑦ ᐱᖁᔭᕐᑎᒍᑦ ᓄᐃᑕᐅᒪᑦᓱᑎᒃ ᐱᓇᓱᐊᕐᕕᐅᕗᑦ ᓴᕐᕿᑕᐅᓯᒪᔪᑦ ᖄᖏᕐᓂᑯᓕᐅᕐᑎᐅᒐᑎᒃ ᑲᑐᑦᔨᖃᑎᒌᓐᓂᐅᓱᑎᒃ ᐊᓪᓚᓯᒪᔪᕐᑎᒍᑦ 5-ᒥ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂ, ᐊᐅᓚᑕᐅᒍᑎᓖᑦ ᑖᑦᓱᒥᖓ ᐱᖁᔭᕐᒥᒃ, ᔦᒻᔅ ᐯ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐊᒻᒪᓗ ᑯᐯᒻᒥ ᑲᒻᐸᓃᑦ ᐱᖁᔭᖓᓂᒃ.

ᓄᓇᒥᒃ ᑎᒍᒥᐊᕐᑏᑦ ᐃᓚᐅᔪᖁᑎᖏᑦ ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᐱᑐᑦᓯᒪᕕᖃᕐᓱᑎᒃ ᓄᓇᓕᒋᔭᒥᓂᒃ. ᑖᒃᑯᐊ ᑎᒦᐅᔪᑦ ᐃᓄᑐᐃᓐᓇᓅᓕᖓᑦᓱᑎᒃ ᓄᓇᓕᐅᑉ ᐅᓇᒻᒥᓲᑎᖏᓐᓂᒃ ᑭᒡᒐᑐᕈᑎᖃᕐᓱᑎᒃ.

ᓄᓇᒥᒃ ᑎᒍᒥᐊᕐᑏᑦ ᐃᓂᓪᓚᑕᐅᓯᒪᒍᑎᖏᑦ ᐊᐅᓚᑕᐅᒍᑎᖃᕐᑐᑦ ᐱᖁᔮᐱᓐᓂᒃ ᐊᖏᕐᐅᓯᒪᔪᓂᒃ ᐃᓚᐅᔪᓄᑦ ᓄᓇᒥᒃ ᑎᒍᒥᐊᕐᑎᓄᑦ. ᑕᒡᒎᓇ ᓄᐃᑦᓯᒍᓐᓇᑐᑦ ᑲᑎᒪᔨᓂᒃ ᐱᖓᓲᒍᓐᓇᑐᓂᒃ ᖁᓕᓪᓗ ᒪᕐᕈᓘᓗᑎᓪᓘᓃᑦ (ᓄᓇᐅᑉ ᖃᓄᐃᓕᖓᒍᒪᓂᖓ ᒪᓕᓪᓗᖑ) ᓂᕈᐊᕐᑕᐅᓯᒪᒍᓐᓇᑐᓂᒃ ᒪᕐᕉᓄᑦ ᐊᕐᕌᒎᓐᓄᑦ, ᑖᒃᑯᓇᓂ ᑲᑎᒪᔨᓂ, ᐳᕐᑐᓂᓭᑦ ᐃᓂᓕᐅᕐᑕᐅᒪᓲᑦ ᐊᖓᔪᕐᖄᒥᒃ, ᑐᖓᓕᖓᓂᒃ, ᐊᓪᓚᑎᒥᒃ ᑮᓇᐅᔭᓕᕆᔨᒥᓪᓗ ᑕᒡᒐᓂ ᑎᒥᒥ.

ᑲᑎᒪᔩᑦ ᐃᓗᓐᓈᒍᑦ ᐊᐅᓚᑦᓯᓂᕐᒥᒃ ᓄᑭᓖᑦ, ᓄᑭᖃᕐᓱᑎᒃ ᐱᓇᓱᑦᑎᑖᕈᓐᓇᓂᕐᒥᒃ, ᐱᖁᔮᐱᓕᐅᕈᓐᓇᓂᕐᒥᒃ, ᐱᓇᓱᐊᖃᑎᒌᒍᑎᐅᓂᐊᕐᑐᓂᒃ ᐊᑎᓕᐅᕐᕕᖃᕈᓐᓇᓂᕐᒥᒃ, ᑮᓇᐅᔦᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᓯᖏᓐᓂᓗ, ᐃᑉᐱᒋᔭᖃᑦᓯᐊᒥᑦᓱᑎᓪᓗ ᐃᓗᓐᓈᒍᑦ ᑎᓕᔭᐅᒪᐅᑎᒥᓂᒃ, ᐱᕙᓪᓕᑎᑦᓯᒐᓱᐊᕐᑎᐅᓂᕐᒥᒃ ᓄᓇᓕᒥᓂᒃ.

ᐱᓇᓱᐊᕋᑦᓴᕆᓂᕐᐹᖏᑦ ᓄᑭᖏᓪᓗ ᐱᓯᒪᔪᑦ ᓄᓇᐅᑉ ᐃᓂᓪᓚᑕᐅᓯᒪᒍᑎᖓᑕ ᐱᖁᔭᖓᓂᑦ ᐱᑦᔪᑎᐅᑎᓪᓗᒋᑦ ᐅᒪᔪᕐᓯᐅᓂᕐᒨᓕᖓᔪᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᑕ ᓄᓇᖁᑎᖏᓐᓂ ᐊᒻᒪᓗ ᐊᓪᓚᑕᐅᓯᒪᕕᖓᓂ 3-ᒥ ᑖᑦᓱᒪ ᐊᖏᖃᑎᒌᓐᓂᐅᑉ ᐱᑦᔪᑎᐅᑎᓪᓗᒋᑦ ᐃᓚᐅᔪᐃᑦ ᑖᑦᓱᒧᖓ ᐊᖏᖃᑎᒌᓐᓂᒧᑦ. ᐃᓚᖃᕐᒥᔪᖅ, ᑕᒪᒃᑯᐊ ᐊᕙᑎᓕᕆᓂᕐᒧᑦ ᐱᖁᔦᑦ ᐱᕕᖃᕐᑎᓯᒻᒥᒪᑕ ᓄᓇᒥᒃ ᑎᒍᒥᐊᕐᑎᓂᒃ ᓂᑦᔮᕈᓐᓇᕕᖃᕐᑎᓯᑦᓱᑎᒃ ᕿᒥᕐᕈᔨᐅᔪᓄᑦ ᓴᕐᕿᑕᐅᓯᒪᔪᓄᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ.

ᐃᓚᐅᒍᓐᓇᕕᖃᕐᑐᑦ ᖃᖏᕐᓂᑯᓕᐅᕋᓱᐊᕐᓂᑯᑦ ᐱᓇᓱᐊᕋᑦᓴᓂ ᑎᒥᖁᑎᓕᐅᕐᓂᑯᑦ, ᐊᓯᐊᓂᐊᓪᓛᑦ ᑎᒥᐅᖃᑎᒥᓂᒃ, ᓄᓇᒥᒃ ᑎᒍᒥᐊᕐᑎᐅᖃᑎᒥᓂᒃ ᐃᒻᒥᓂᕿᔪᓂᐊᓪᓛᑦ ᐱᓇᓱᐊᖃᑎᖃᕐᓗᑎᒃ,

ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᖏᑦ ᑲᒪᒋᔭᖃᕐᒥᔪᑦ ᓄᑕᐅᓯᑎᕆᔨᐅᑦᓱᑎᒃ ᓄᓇᓕᒥᓂ ᐃᓚᐅᔪᐃᑦ ᐊᓪᓚᑕᐅᓯᒪᐅᑎᖏᓐᓂᒃ, ᑖᒃᑯᐊᓗ ᖃᑦᓯᐅᓂᖏᑦ ᐃᑉᐱᒋᑦᓱᒋᑦ ᑮᓇᐅᔦᑦ ᐊᒡᒍᑕᐅᓯᕙᑦᑐᑦ ᒪᙯᑦᑏᑦ ᓴᐳᒻᒥᔭᐅᒍᑎᖏᑎᒍᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓴᕐᕿᑕᐅᒪᔪᕐᑎᒍᑦ.

ᑲᑎᒪᔩᑦ
Aliva Tookalook
Charlie Kumarluk
Sarowillie Anowack
Simon Tookalook
Markussie Tookalook (President)
Ernest Tumic (Vice-President)
Zack Niviaxie (Secretary)
(Treasurer)
ᑲᒪᔨᒻᒪᕆ
NameAnnie Kasudluak
Emailanniturvik@tamaani.ca
ᖃᐅᔨᓂᐊᕐᕕᓭᑦ
LHC PO BOX148
Postal CodeJ0M 1Y0
Phone819-331-7831
Fax819-331-7832
ᑎᒥᖁᑎᖏᑦ

ᑐᓴᕋᑦᓭᑦ ᓱᓇᓱᐊᕐᓂᐅᓚᖓᔪᓪᓗ

ᓄᓇᓕᐅᑉ ᖃᓄᐃᓕᖓᖁᔨᒍᑎᖏᑦ