ᐃᓚᐅᔪᓕᕆᓂᖅ

ᐃᓄᐃᑦ ᐃᓚᐅᔪᖕᖑᕈᓐᓇᓂᖓ

ᔭᓄᐊᕆ 27, 2005-ᒥ ᐊᑎᓕᐅᕐᑕᐅᓚᐅᔪᑎᓪᓗᒍ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ ᐃᓚᒋᐊᕈᑎᒃ 18, ᐃᓄᐃᑦ ᐃᓚᐅᔪᖕᖑᕈᓐᓇᓂᖓᓄᐊᖓᔪᖅ, ᓄᓇᕕᐅᑉ ᐃᓚᐅᔪᖁᑎᖏᑦ ᑲᒪᒋᔭᐅᓲᖑᓕᕐᑐᑦ ᓄᓇᕕᐅᑉ ᐃᓚᐅᔪᓕᕆᕕᖓᑕ ᐊᓪᓚᕕᖓᓄᑦ ᑯᑦᔪᐊᒦᑦᑐᒧᑦ ᒪᑭᕝᕕᐅᑉ ᐊᓪᓚᕕᒻᒪᕆᖓᓂ. ᓄᓇᕕᐅᑉ ᐃᓚᐅᔪᓕᕆᕕᖓ ᐊᒥᓱᓂᒃ ᐱᓇᓱᐊᕋᑦᓴᓕᐅᒐᓗᐊᖅ ᑲᒪᒋᔭᖃᕆᐊᖃᕐᐸᒥᔪᖅ ᐊᑎᕐᓂᒃ ᐊᑐᓂ ᓄᓇᓖᑦ ᐊᓪᓚᓯᒪᔪᓅᔭᕐᓯᒪᔭᖏᓐᓂᒃ ᐃᓕᐅᕐᙯᔨᐅᑦᓱᓂ ᓄᓇᕕᒻᒥ ᐃᓄᐃᑦ ᐃᓚᐅᔪᑦ ᐊᓪᓚᑕᐅᓯᒪᕕᓪᓚᕆᖓᓄᑦ.

ᑖᓐᓇ ᐊᖏᖃᑎᒌᓐᓂᒧᑦ ᐃᓚᒋᐊᕈᑎᒃ 18 ᑲᔪᓯᒍᓐᓇᓯᑎᑕᐅᓚᐅᔪᑎᓪᓗᒍ ᒣ 1, 2006-ᒥ, ᐃᓄᐃᑦ ᐃᓚᐅᔪᖕᖑᕈᓐᓇᓂᖓᓄᑦ ᒪᓕᒉᑦ ᐊᓯᑦᔨᒋᐊᕐᑕᐅᓚᕆᓚᐅᔪᑦ.

ᐊᑐᐊᕐᓯᒋᐊᓪᓛᕆᑦ

ᓄᓇᓖᑦ ᑲᒪᒋᔭᖃᓲᖑᓕᕐᑐᑦ ᓄᑕᐅᓯᓕᑎᕆᔨᐅᑦᓱᑎᒃ ᓇᒻᒥᓂᖅ ᓄᓇᓕᒥᑕ ᐃᓚᐅᔪᖁᑎᖏᑦᑕ ᐊᓪᓚᑕᐅᓯᒪᒍᑎᖏᓐᓂᒃ, ᐊᕐᖁᑕᐅᑎᓪᓗᒋᑦ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐲᑦ. ᑖᒃᑯᐊ ᑲᑎᒪᔨᐊᐲᑦ ᐃᓱᒪᒥᒍᑎᖃᕐᓱᑎᒃ ᑲᔪᓯᑎᑦᓯᔨᐅᔪᑦ ᒪᓕᒐᓕᐊᖑᓯᒪᔪᓂᒃ ᐃᓚᒋᐊᕈᑎᒧᑦ 18-ᒧᑦ, ᑐᑭᑖᕋᓱᐊᕈᑎᒋᒍᓐᓇᓱᒋᑦ ᐃᓚᐅᔪᖕᖑᕈᒪᐅᑎᑕᖃᓕᑐᐊᕐᒪᑦ, ᐃᒻᒥᓂᕿᔪᓂᒃ ᐅᕝᕙᓗᓐᓃ ᐱᖁᔭᑎᒍᑦ ᑭᒡᒐᑐᕐᑎᖓᓂᒃ ᐱᐊᕋᐅᑉ, ᐅᑯᐊ ᑐᑭᒧᐊᑦᑎᓯᒍᑎᐅᓲᑦ ᑐᖕᖓᕕᐅᑦᓱᑎᒃ:

  • ᓄᓇᕕᒻᒥ ᐃᓄᑐᐃᓐᓀᑦ ᑐᑭᓯᓇᕐᑎᓯᒍᓐᓇᓂᕐᐸᐅᕗᑦ ᑭᓇ ᐃᓄᑐᐃᓐᓇᐅᒪᖔᑦ ᐃᓚᐅᔪᖕᖑᕈᓐᓇᑐᒋᐊᖃᕐᓂᖓᓗ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ, ᐊᒻᒪᓗ;
  • ᓄᓇᕕᒻᒥ ᐃᓄᑐᐃᓐᓀᑦ ᐃᓕᑕᕆᔭᐅᒍᓐᓇᐅᑎᖃᕆᐊᓖᑦ ᑐᑭᓯᒪᓂᕐᒥᒍᑦ ᓇᒻᒥᓂᖅ, ᐃᓗᕐᖁᓯᕐᒥᓂᒃ ᐱᕐᖁᓯᒥᓂᒃ, ᐊᒻᒪᓗ;
  • ᓱᕐᖁᐃᓯᒐᓱᐊᕐᓂᖅ ᑐᑭᑖᕋᓱᐊᕈᓯᕐᓗ ᑭᓇ ᐃᓄᑐᐃᓐᓇᐅᒪᖔᑦ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᓈᒻᒪᓈᕐᓯᒪᑦᓯᐊᕆᐊᓕᒃ ᐊᑦᔨᒌᑦᑎᓯᓂᖃᑦᓯᐊᓗᓂᓗ.

ᓄᓇᕕᐅᑉ ᐃᓚᐅᔪᓕᕆᕕᖓᑕ ᐊᓪᓚᕕᖓ (NEO)

ᓄᓇᕕᐅᑉ ᐃᓚᐅᔪᓕᕆᕕᖓᑕ ᐊᓪᓚᕕᖓ ᐊᖓᔪᕐᖃᐅᕕᐅᔪᖅ ᒪᑭᕝᕕᐅᑉ ᑲᑎᒪᔨᖏᓐᓄᑦ. ᑖᒃᑯᐊ ᑎᓕᔭᐅᒪᐅᑎᓖᑦ ᓄᑕᐅᓯᓕᑎᕐᓯᒣᓐᓇᑎᑦᓯᒋᐊᖃᕐᓱᑎᒃ ᑲᒪᒋᔭᐅᖏᓐᓇᑎᓗᒋᓪᓗ ᓄᓇᕕᐅᑉ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ ᐃᓚᐅᔪᖁᑎᖏᑦᑕ ᐊᓪᓚᑕᐅᓯᒪᒍᑎᖏᓐᓂᒃ ᑐᑭᑖᕈᑎᖏᑦᑎᒍᑦ ᑖᒃᑯᐊ 16 ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐲᑦ ᐊᒻᒪᓗ ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᓐᓄᑦ. ᓄᓇᕕᐅᑉ ᐃᓚᐅᔪᓕᕆᕕᖓᑕ ᐊᓪᓚᕕᖓ ᑐᑭᑖᕐᑐᐃᔨᐅᖕᖏᑐᖅ ᑭᓇ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ ᐃᓚᐅᔪᖕᖑᓂᐊᕐᒪᖔᑦ.

ᐊᑐᐊᕐᓯᒋᐊᓪᓛᕆᑦ<

ᑐᕌᕈᑎᖓ ᓄᓇᕕᐅᑉ ᐃᓚᐅᔪᓕᕆᕕᖓᑕ ᐊᓪᓚᕕᖓᑕ

Makivik Corporation
P.O. Box 179, Kuujjuaq, Qc  J0M 1C0 
Telephone: (819) 964-2925   
Fax: (819) 964-0458
Email: nunavikenrolmentoffice@makivik.org

ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐲᑦ (CEC)

ᐊᑐᓂ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐲᑦ ᑎᓕᔭᐅᒪᐅᑎᖃᕐᑐᑦ ᓄᑕᐅᓯᓕᑎᕆᔨᐅᓂᕐᒥᒃ ᑲᒪᒋᔭᖃᕐᓂᒥᓪᓗ ᐊᓪᓚᑕᐅᓯᒪᒍᑎᖏᓐᓂᒃ ᓄᓇᓕᐅᑉ ᐃᓚᐅᔪᖁᑎᖏᑦᑕ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ. ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐱᖏᑦ ᐅᑯᐊ:

  • ᓄᓇᒥᒃ ᑎᒍᒥᐊᕐᑏᑦ: ᓄᓇᓕᐅᑉ ᓄᓇᒥᒃ ᑎᒍᒥᐊᕐᑎᑯᖏᑦᑕ ᑲᑎᒪᔨᓗᖏᑦ ᐃᓚᖃᕐᓱᑎᒃ ᐊᑕᐅᓯᕐᒥᒃ ᐃᓄᑐᖃᕐᒥᒃ ᑎᓕᔭᐅᒪᓂᖃᕐᑐᒥᒃ ᓄᓇᒥᒃ ᑎᒍᒥᐊᕐᑎᑯᑦ ᑐᑭᑖᕈᑎᓕᐊᕆᓯᒪᔭᖓᒍᑦ, ᒪᕐᕉᓄᑦ ᐊᕐᕌᒍᓐᓄᑦ ᑕᒡᒐᓂ ᐃᓂᖃᕐᓂᐊᓗᓂ ᓄᑕᐅᓯᓕᑎᕐᑕᐅᒍᓐᓇᓗᓂ;

  • ᐳᕕᕐᓂᑐᒥ (ᓄᓇᒥᒃ ᑎᒍᒥᐊᕐᑎᖃᖕᖏᑐᖅ): ᓯᑕᒪᐅᔪᖕᖏᒐᕐᑐᑦ (8) ᑲᑎᒪᔨᐊᐲᑦ ᓂᕈᐊᕐᑕᐅᒪᑦᓱᑎᒃ ᒪᑭᕝᕕᐅᑉ ᓂᕈᐊᕐᑎᓯᓂᖓᒍᑦ, ᑖᒃᑯᐊᓗ ᑎᓕᔭᐅᒪᓂᖃᕐᑐᑦ ᐊᕐᕌᒎᓐᓄᑦ ᒪᕐᕉᓄᑦ, ᓄᑕᐅᓯᓕᑎᕐᑕᐅᒍᓐᓇᕕᖃᕐᓱᑎᓪᓗ;

  • ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᐊᓪᓚᑎ: ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᐊᓪᓚᑏᑦ ᑎᓕᔭᐅᓲᑦ ᑐᑭᑖᕈᑎᓕᐊᖓᒍᑦ ᑲᑎᒪᔨᖏᑦᑕ ᓄᓇᒥᒃ ᑎᒍᒥᐊᕐᑏᑦ, ᖃᓄᓪᓗᐊᑎᒋᒃ ᐊᑯᓃᕐᓂᖃᕐᓂᐊᒪᖔᑦ ᓇᓗᓀᕐᑕᐅᒪᖕᖏᓱᑎᒃ. ᐳᕕᕐᓂᑐᒥᓕ ᓄᓇᒥᒃ ᑎᒍᒥᐊᕐᑎᖃᖕᖏᒪᑦ, ᑖᓐᓇ ᐊᓪᓚᑎ ᑎᓕᔭᐅᓲᖅ ᐳᕕᕐᓂᑑᑉ ᑲᑎᒪᔨᖏᓐᓄᑦ.

ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᑦ (NERC)

ᑐᑭᑖᕐᑕᐅᔪᕕᓂᓕᒫᑦ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐱᖏᓐᓄᑦ ᕿᒥᕐᕈᔭᐅᕐᖄᕆᐊᖃᓲᑦ ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᓐᓄᑦ ᓄᐃᑕᐅᒪᔪᓄᑦ ᐊᓪᓚᓯᒪᔪᕐᑎᒍᑦ 3A.7-ᒥ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓂ. ᑕᒡᒎᓇ ᓇᐅᑐᐃᓐᓇᖅ ᐃᓚᐅᔪᖕᖑᕋᓱᑦᑐᖅ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐱᓐᓄᑦ ᑐᑭᑖᕐᑕᐅᒍᑎᕕᓂᕐᒥᓂᒃ ᓈᒻᒪᓴᖕᖏᑐᐊᕈᓂ ᑐᑭᓯᓂᐊᕐᑕᐅᑎᑦᓯᒋᐊᓪᓚᕕᖃᕐᑐᖅ. ᕿᒥᕐᕈᔭᐅᖁᔨᓂᖅ ᒪᕐᕈᓗᐃᑦ (12) ᑕᕐᖀᑦ ᐃᓗᐊᓂ ᓄᐃᑕᐅᒋᐊᓕᒃ ᑌᑲᖕᖓᑦ ᐅᓪᓗᒥᑦ ᑐᑭᑖᕐᑕᐅᕕᐅᔪᕕᓂᕐᒥᑦ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐱᓄᑦ. ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᑦ ᐱᖓᓲᔪᕐᑐᓂᒃ (6) ᐃᓚᐅᔪᖁᑎᓖᑦ ᒪᑭᕝᕕᐅᑉ ᑲᑎᒪᔨᖏᓐᓄᑦ ᑎᓕᔭᐅᒪᔪᓂᒃ ᐊᕐᕌᒍᓄᑦ ᐱᖓᓱᓄᑦ ᐃᓕᓴᒥᐊᕐᓱᑎᒃ ᓄᑕᐅᓯᓕᑎᕐᑕᐅᕕᖃᕐᓱᑎᓪᓗ. ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᑦ ᐃᒣᓕᖓᔪᑦ: ᒪᕐᕉᒃ (2) ᑎᓕᔭᐅᒪᔫᒃ ᐅᖓᕙᒥᐅᑦ ᓄᓇᓕᖏᓐᓂᑦ, ᒪᕐᕉᒃ (2) ᑎᓕᔭᐅᒪᔫᒃ ᑕᓯᐅᔭᕐᔪᐊᑉ ᓄᓇᓕᖏᓐᓂᑦ, ᒪᕐᕉᒃ (2) ᑎᓕᔭᐅᒪᔫᒃ ᐃᑭᕋᓴᕐᒥᐅᑦ ᓄᓇᓕᖏᓐᓂᑦ. ᕿᒥᕐᕈᖁᔨᒍᑎᒥᒃ ᐱᑖᑐᐊᕋᒥᒃ, ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᑦ ᑎᓕᔨᓲᑦ ᑲᑎᒪᔨᐊᐱᐅᖃᑎᒥᓂᑦ ᐊᑕᐅᓯᕐᒥᒃ ᐊᑐᓂ ᓄᓇᖁᑎᒋᔭᐅᔪᓂᑦ ᐱᓯᒪᔪᓂᒃ ᕿᒥᕐᕈᖁᑦᓱᒋᑦ ᑐᑭᑖᕈᑎᕕᓂᐅᔪᒥᒃ ᓄᓇᓕᒻᒥ ᐃᓚᐅᔪᓕᕆᓂᕐᒧᑦ ᑲᑎᒪᔨᐊᐱᓐᓄᑦ. ᓄᓇᕕᒻᒥ ᐃᓚᐅᔪᓕᕆᓂᕐᒥᒃ ᕿᒥᕐᕈᔩᑦ ᑲᑎᒪᔨᐊᐱᖏᑦᑕ ᑐᑭᑖᕈᑎᖓ ᐊᓯᑦᔨᑕᐅᒋᐊᓪᓚᕕᖃᖕᖏᑐᖅ.

ᑐᑭᓯᒋᐊᕐᕕᓭᑦ ᖃᕆᑕᐅᔭᒃᑯᑦ